Клублар ўртасидаги жаҳон чемпионати қачон ва қаерда ўтказилиши маълум бўлди

Клублар ўртасидаги жаҳон чемпионати қачон ўтказилиши маълум бўлди. Бу ҳақда AS нашри хабар тарқатмоқда.

Унга кўра, ушбу турнир 2022 йилнинг июнь ойида Хитойда бўлиб ўтади. ФИФА бу ҳақда якуний қарорга келиб бўлган. Фақат, бу ҳақда тез орада расман эълон қилинади.

Таъкидлаш керакки, бундан аввалроқ, ФИФА клублар ўртасидаги жаҳон чемпионати янги форматда ўтказилишини маълум қилган эди. Унга кўра, турнир ҳар тўрт йилда бир марта ўтказилади ва унда 24 та клуб иштирок этади. Дастлаб ушбу турнир 2021 йилда ўтказилиши режалаштирилган эди. Аммо, “Евро-2020”нинг келгуси йилга қолдирилиши режаларни ўзгартириб юборди.