Клублар ўртасидаги ЖЧ. Бугун финал! "Реал" Саудия грандига қарши майдонга тушади

Бугун Марокаш мезбонлик қилаётган клублар ўртасидаги жаҳон чемпионатининг финал учрашуви бўлиб ўтади.

Ҳал қилувчи ўйинда Мадриднинг “Реал” клуби Саудия Арабистонининг “Ал-Ҳилол” жамоасига қарши майдонга тушади. Ушбу баҳс Тошкент вақти билан 00:00 да бошланади.

Эслатиб ўтамиз, “Ал-Ҳилол” ярим финалда Бразилиянинг “Фламенго” клубини 3:2 ҳисобида таслим этган бўлса, “Реал” финал остонасида Мисрнинг “Ал-Аҳли” клубини 4:1 ҳисобида енгди.