Кожо: Про лигами, Суперлигами фарқи йўқ, исталган пайт боримни беришга тайёрман

Суперлига 2-тури доирасидаги «Динамо» - «Нефтчи» ўйини олдидан самарқандликлар форварди Кожо Жоэл клуб матбуот хизматига интервью берди. 

«Нефтчи»га қарши ўйинга тайёргарлик кўрдик. «Нефтчи» ҳам «Навбаҳор»дан кам бўлмаган рақиб, уларга қарши ўйинда бор кучимизни ишга соламиз ва охиригача курашамиз. Ўйинга тайёрмиз десам бўлади.

Суперлигадаги дебют голим? Про лигами, Суперлигами фарқи йўқ, исталган пайт боримни беришга тайёрман. Чунки ҳар доим курашга ва нималарга қодирлигимни кўрсатишга шайман. Жамоамизда атмосфера, кайфият яхши, ўзимга ҳам, жамоамизга ҳам тўлиқ ишонаман.

Жиззахдаги стадионда мухлисларимиз қанча кўп бўлса шунча яхши. Чунки футболни ишқибозларсиз тасаввур қилиш қийин», - дейди Кожо.