Колосовский: "Гуруҳдан чиқа олмаганимиз учун мухлислардан узр сўрайман"

Ўзбекистон Кубоги доирасидаги "Бунёдкор" - "Локомотив" (0:1) баҳсидан сўнг меҳмонлар бош мураббийи Григорий Колосовский ўз фикрларини билдирди.

- Бугун жамоа олдига рақибни 2 та тўп фарқи билан ютиш вазифасини қўйгандик. Яхши ҳаракат қилдик, ғалаба қозондик, аммо бу гуруҳдан чиқиш учун етарли бўлмади. "Бунёдкор"ни гуруҳдан чиққани билан табриклайман. Гуруҳдан чиқа олмаганимиз учун мухлислардан узр сўрайман.

- Нега кўп вазиятларни голга айлантиришда муаммолар кузатиляпти?

- Бу фақат бугун эмас, ҳар доим кузатиляпти. Футболчилар бундан асабийлашяпти. Ўйлайманки, вақти келиб бу муаммодан қутуламиз.