Компани: "Бизда кейинги босқичга чиқиш учун ҳамма имконият бор"

"Бавария" бош мураббийи Венсан Компани жамоасининг "Реал Мадрид" устидан қозонган ғалабасидан мамнун эканини билдирди.

"Бу жуда қийин ўйин бўлди. "Сантьяго Бернабеу"да сўнгги дақиқаларда босим кучаяди, лекин жамоа бунга тайёр эди. Бизда яна имкониятлар бўлди, улардан ҳам фойдаланишимиз керак эди. Жавоб ўйинида яна гол уришга ҳаракат қиламиз.

Мен "Бавария" кейинги босқичга чиқолмаслиги учун сабаб кўрмаяпман. Лекин "Реал" ҳам жуда кучли жамоа. Нойер эса яна бир бор ўз даражасини кўрсатди — у жамоа учун жуда муҳим", — деди Компани.