Конате: "Бекор қилинган пенальти ўйин тақдирини ўзгартириши мумкин эди"

"Ливерпуль" ҳимоячиси Ибраима Конате Чемпионлар лигаси чорак финали жавоб баҳсида ПСЖга қарши учрашувда Алексис Мак Аллистерга ишланган пенальти бекор қилинмаслиги керак эди, деб ҳисоблайди.

Мерсисайдликлар мазкур ўйинда 0:2 ҳисобида мағлуб бўлди. Илк баҳс ҳам худди шу ҳисобда якунланганди. 64-дақиқада ҳисоб 0:0 бўлиб турган вақтда "Ливерпуль" 11 метрли жарима зарбасини ишлаш имконига эга бўлди.

Вазиятда Алексис Мак Аллистер рақиб жарима майдонида Вильян Пачо билан тўқнашувдан кейин йиқилди ва бош ҳакам Маурицио Мариани дастлаб пенальти белгилади. Бироқ VAR тавсиясидан сўнг монитор олдига борган ҳакам қарорини ўзгартириб, пенальтини бекор қилди.

Учрашувдан кейин Конате ушбу эпизод ҳақида ўз фикрини билдирди.

"Менимча, бу тоза пенальти эди. Мен ҳакамнинг орқасида турган эдим ва вазиятни яхши кўрдим. Агар биз ўша пенальтини тепиб, гол урганимизда, ўйин бутунлай бошқача тус олиши мумкин эди", — деди Конате "Amazon Prime Video"га берган интервьюсида.

Бу қарор "Ливерпуль" мухлислари ва жамоа аъзолари орасида катта муҳокамаларга сабаб бўлмоқда.