Конференциялар лигаси. "Рома"ни бугун муҳим ўйин кутмоқда
Жозе Моуриньо бошчилигидаги “Рома” бугун УЕФА Конференциялар лигаси плей-офф босқичининг жавоб ўйинида Туркиянинг “Трабзонспор” клубини қабул қилади. Учрашув Тошкент вақти билан 22:00да старт олади.
Мазкур жамоалар ўртасидаги дастлабки учрашувда "бўрилар" 2:1 ҳисобида рақибини мағлуб этганди. Туркияда кечган ушбу баҳсда ғалаба голини легионеримиз Элдор Шомуродов ўз номига ёздириб қўйганди.
Маълумот ўрнида айтиш жоизки, Конференциялар лигаси УЕФА томонидан ташкил этилаётган Чемпионлар лигаси ва Европа Лигасидан кейинги учинчи турнирдир. Бу мусобақа “кўҳна қитъа”нинг аксарият жамоалари Чемпионлар лигаси ва Европа лигасидан четда қолаётгани боис, имкон қадар кўпроқ клубларни халқаро ўйинларга жалб этиш мақсадида йўлга қўйилди.
Фикрлар