Konferentsiyalik Ligasi. Bugun "Roma" o‘ynaydi

Bugun Konferentsiyalar ligasi guruh bosqichi 5-turidan o‘rin olgan uchrashuvlar o‘tkaziladi. Bellashuvlar orasida biz uchun ahamiyatlisi "Roma" ishtirokidagi bahs ham bor.

Eldor Shomurodov harakat qilayotgan "bo‘rilar" o‘z maydonida Ukrainaning "Zarya" klubi bilan kuch sinashadi. Uchrashuv Toshkent vaqti bilan 01:00da boshlanadi.

Joze Mourino shogirdlari joylashgan "S" guruhidagi ikkinchi bahs Norvegiyaning "Bude-Glimt" va TsSKA Sofiya klubi o‘rtasida kechadi. Bu o‘yin ham 01:00da start oladi.

Ma’lumot uchun, "Roma" 4-turdan so‘ng guruh 7 ochko bilan ikkinchi o‘rinda bormoqda. Peshqadam "Bude-Glimt" hisobida 8 ochko mavjud.