Конор Макгрегор "Манчестер Юнайтед"ни сотиб олмоқчи?!

"Манчестер Юнайтед"га эгалик қиладиган Глэйзерлар оиласи яқин орада клубни сотиши мумкин.

Бунинг сабаби, Европа Суперлигасининг асосчиларидан бирига айланган манкунианларнинг қаттиқ танқид қилингани бўлиши мумкин, деб хабар беради Daily Mail мухбири Майк Киган.

Манбага кўра, энди ҳамма нарса Глэйзер ҳақиқатан ҳам, МЮни сотиши мумкинлигига ишора қилмоқда. Улар клубни 2005 йилда 790 миллион фунт эвазига сотиб олган эди.

Жамоа мухлислари ва футболчилари "Юнайтед"нинг Суперлига лойиҳасида иштирок этишга рози бўлганидан жуда норози бўлди. ОАВ аллақачон Эд Вудворд клуб вице-президенти лавозимини тарк этгани ҳақида хабар тарқатган.

UFCнинг собиқ чемпиони Конор Макгрегор ушбу ҳолатга ҳазиломуз изоҳ берди.

“Манчестер Юнайтед"ни сотиб олиш ҳақида ўйлаяпман. Бунга нима дейсиз?”, - деб ёзди ирландиялик ММА жангчиси.