Konstantin Korotkov xotira turniri. Bilolbek Mirzarahimov mezbon bokschiga imkon qoldirmadi

Mazkur musobaqada o‘zbekistonlik charm qo‘lqop ustalari ham ishtirok etishmoqda. Jumladan -69 kg vazn toifasida yurtimiz sharafini himoya qilayotgan  Bilolbek Mirzarahimov yarim finalda rossiyalik Maksim Rozkovdan ustun keldi va final yo‘llanmasini qo‘lga kiritdi.

Eslatib o‘tamiz, bundan biroz oldin Abrorjon Qodirov ham final yo‘llanmasiga ega chiqqan edi.

Ma’lumot uchun, Konstantin Korotkov xotira turnirida uch qit’aning 20 mamlakatidan tashrif buyurgan 150 nafar bokschi ovrinli o‘rinlar uchun kurash olib borishmoqda. Final bahslari ertaga bo‘lib o‘tishi rejalashtirilgan.