Конте Обамеянгни "Интер"да кўрмоқчи

Миланнинг "Интер" клуби бош мураббийи Антонио Конте ёзги трансферлар даврида жамоанинг ҳужум чизиғини кучайтиришни режалаштирмоқда.

La Gazzetta dello Sport нашри тарқатган хабарга қараганда, италиялик мутахассиснинг бу борадаги эътибори "Арсенал" форварди Пьер-Эмерик Обамеянгга тушган. “Нерадзуррилар” габонлик футболчини ёзда “Барселона”га кетиши кутилаётган аргентиналик ҳужумчи Лаутаро Мартинес ўрнига муносиб номзод кўришмоқда.

Таъкидлаш керакки, "Интер" Обамеянг учун курашда "Манчестер Юнайтед" билан рақобатлашишига тўғри келади.