Конте яна "Ювентус"га қайтиши мумкин

Италиялик мутахассис Антонио Конте яна “Ювентус”га қайтиши мумкин. Бу ҳақда Sky Sports News хабар бермоқда.

Юқоридаги манбаага кўра 49 ёшли мураббий ушбу масала юзасидан туринликлар раҳбарияти билан учрашган.

Эслатиб ўтамиз, бундан аввалроқ “Юве”нинг амалдаги бош мураббийи Массимилиано Аллегри янги мавсумда ҳам “кекса синьора”ни бошқармоқчилиги ҳақида хабарлар тарқалган эди.

Маълумот учун, “Ювентус” Конте қўл остида 3 карра Италия чемпионлигини ва икки карра Италия Суперкубогини қўлга киритган.