Кўпчилик учун қизиқ! Шаҳрам Ғиёсов жангда ғалаба қозонса, жаҳон чемпионлик камарини учун жанг қиладими?

SPORTS.uz сайти журналисти - Жалолиддин Аҳмедов ўз телеграм каналида ҳамюртимиз Шаҳрам Ғиёсовнинг жанги билан боғлиқ қизиқ маълумотни тақдим этди. Унинг ёзишича, Ғиёсовда камар учун даъвогарлик қилиш имконияти кўринганидек эмас.

"17-июн куни бўладиган Шаҳрам Ғиёсов ва Ҳаролд Калдерон баҳси ярим ўрта вазн тоифасида (66,6 кг) ЭЛИМИНАТОР мақомида бўлиши белгиланган.

Ўзи элиминатор нима?

Элиминатор бу чемпионлик камарига мажбурий даъвогарни аниқлаб олиш учун саралаш босқичи ҳисобланади. Бу бир нечта жанглардан иборат бўлиши ҳам мумкин.

Боксчи элиминатор жангида иштирок этди дегани у мажбурий даъвогар бўлади дегани эмас. Мисол учун, Исроил Мадримовнинг Чарли Наваррога, Эрик Уокерга, Мишел Сорога қарши жанглари элиминатор мақомида бўлган. Лекин у ҳали ҳам расмий мажбурий даъвогар эмас, десам ишонасизми? Аслида ҳам шундай.

Ёки Отабек Холматов ҳам Андрианик Григорянга қарши, ундан кейин Томас Патрик Оурдга қарши (ҳар иккиси ҳам элиминатор) жанглардан сўнг мажбурий даъвогар бўлган.

Демак Ғиёсов ва Калдерон баҳси ғолиби ҳам бирданига камарга мажбурий даъвогарга айланмайди. У ҳали яна бир ёки бир нечта элиминаторлардан ўтишга тўғри келади."

Эслатиб ўтамиз, ҳамюртимиз 17-июн куни АҚШнинг Луизиана штатида бўлиб ўтадиган оқшомда Ҳаролд Калдеронга (27-0, 18КО) қарши баҳс олиб боради.

Фикрлар

Фикр қолдириш учун авторизациядан ўтинг!
Ilhomjon Feyz
31/05/2023 21:44
Шохжохондан янгилик кутябмиз
&
Uygunjon Uktomov
26/05/2023 16:11
Olga G'iyosov