Коронавирус сабаб ПСЖ иштирокидаги ўйин бекор қилинди

Франция чемпионатининг 28-туридан ўрин олган "Страсбур" – ПСЖ учрашуви коронавирус эпидемияси сабаб қолдирилди. Бу ҳақда Франция профессионал футбол лигаси расмий сайти хабар тарқатмоқда.

Ушбу жамоалар ўртасидаги баҳс бугун бўлиб ўтиши керак эди. Ҳозирча, ушбу ўйин қачон ўтказилиши номаълум.

Маълумот учун, ПСЖ айни дамда Лига 1 да 68 очко билан пешқамлик қилмоқда. Ҳисобида 38 очко бўлган “Страсбур” эса 10-ўринни эгаллаб турибди.