Коронавирус Хамесни "Реал"да олиб қолиши мумкин

Колумбиялик ярим ҳимоячи Хамес Родригес яна “Реал”да қолиши мумкин. Marca нашри тарқатган хабарга кўра, коронавирус билан боғлиқ ҳозирги вазият туфайли Хамес мадридликлар сафида тўп суришда давом этиши ва бош мураббий Зинедин Зидан ҳам унга имкон бериши мумкин.

Агар Хамес Зиданни ҳайратда қолдира олса ва “Реал” унинг трансфери бўйича яхшироқ таклиф ололмаса, юқоридаги ҳолат содир бўлиши ҳақиқатга анча яқин. Бироқ, унга “Эвертон”дан жиддий қизиқишлар бўлмоқда.

Хамес Родригес жорий мавсум “Реал” сафида Ла Лигада бор йўғи 7 та ўйинда майдонга тушди ва 1 та гол ҳамда 1 та голли узатмага муаллифлик қилди.