Лондоннинг “Челси” клуби ҳужумчиси Диего Коста ўзининг жисмоний ҳолатини сақлаб туриш  мақсадида, тренажёр залида якка ўзи машғулотларни бошлади.

Ижтимоий тармоқларда унинг айнан тренажёр залида шуғилланаётган расмлари пайдо бўлди.

Илгарироқ, Коста ва унинг адвокати “Челси”га уни трансферга қўйишларини сўраб мурожаат этишгани ҳақида хабарлар пайдо бўлган эди.

“Милан” Костани ижарага олишга тайёрлиги ҳақида ҳам хабарлар тарқалган эди. Костанинг адвокати эса мижози “Атлетико”га қайтишни истаётганини айтиб ўтган эди. Бироқ “матрасчилар” ФИФА таъқиқи сабаб, январ ойига қадар янги футболчиларни рўйхатдан ўтказа олмайди.