Кот-д’Ивуар футболчиси мундиал ўйинини ўтказиб юборади, уни ҳам мамлакатга киритишмади!

Кот-д’Ивуар терма жамоаси ҳужумчиси Элье Ваи жаҳон чемпионатининг гуруҳ босқичи иккинчи турида Германияга қарши майдонга тушмайди.

Футболчи Канадага кириш рухсатини ололмади. Сабаб – унинг қонун билан боғлиқ муаммолари. Францияда «Ницца» клуби ўйинчиси ноқонуний пул тикишда ва атайлаб сариқ карточка олишда гумон қилинмоқда.

Шу билан бирга, АҚШ Ваи учун эшикларини очди – 23 ёшли ҳужумчи у ерда Эквадорга қарши жаҳон чемпионати учрашувида майдонга тушди. Ушбу ўйин Кот-д’Ивуарнинг 1:0 ҳисобидаги ғалабаси билан якунланди.

Ивуарлик футболчи ҳозирча АҚШда қолмоқда ва вазиятга ойдинлик киритилишини кутаяпти.