Коутиньо Куманга “Барса”дан кетишини айтди. Унинг борар жойи маълум

Филиппе Коутиньо унга янги мавсумда имкон беришини билдирган Рональд Куманга “Барселона”дан кетишини маълум қилди.

Бразилиялик ярим ҳимоячи Англия премьер-лигасига қайтиб, “Арсенал”да тўп суришни истамоқда. Микель Артета жамоасида моҳир плеймейкерга эҳтиёж бор. Чунки бош мураббий бу вазифани бажариб келган Месут Ўзил билан келиша олмай қолган.

 Маълумотларга қараганда, Артета Коутиньонинг агенти Киа Журабчан билан музокара ўтказган ва футболчига ҳафтасига 200 минг фунт маош беришни ваъда қилган.

Айни пайтда “Арсенал”га Коутиньонинг трансфер суммаси қимматлик қилиши мумкин. Каталония клуби уни 71 миллион фунтга баҳоламоқда. Шу боис, “Арсенал” Филиппени кейинчалик сотиб олиш ҳуқуқи билан ижарада ўйнатмоқчи.

 

  

Фикрлар

Фикр қолдириш учун авторизациядан ўтинг!