Коутиньо заифлашиб қолган “Барселона”га қайтишни истамаяпти
Трансфер ҳуқуқи “Барселона”га тегишли бўлган Филиппе Коутиньо Чемпионлар лигасида қақшатқич мағлубиятга учраган каталонияликлар сафига қайтмоқчи эмас. Айни пайтда “Барса” катта ўзгаришлар арафасида турибди.
- Мен жароҳатимни даволадим ва узоқ муддат ўйнамадим. Формамни тиклаш учун қаттиқ меҳнат қилдим. Муҳим учрашувда қатнашди ва бундан мамнунман. “Барселона”га қарши ўйнаш бошқача ҳиссиёт берди. Ҳозир “Бавария” билан шартномам бор ва эътиборимни Чемпионлар лигасига қаратганман, - деди бразилиялик плеймейкер.
Коутиньо каталонияликларга қарши учрашувда иккита гол урганидан кейин уни “Барселона”га қайтиши ҳақидаги гаплар тарқала бошлади. Бироқ, футболчининг ўзи Англия премьер-лигасида тўп суришни истамоқда. Унга “Арсенал”, “Тоттенхэм” ва “Лестер” қизиқаётгани айтилмоқда.
Фикрлар