Кристиан Эриксен: "Тоттенхэм"нинг ғалаба қозонишдан бошқа чораси йўқ эди

“Тоттенхэм” клуби ярим ҳимоячиси Кристиан Эриксен кеча “Брайтон”га (1:0) қарши бўлиб ўтган ўйиндан сўнг ўз фикрларини билдириб ўтди.

“Голдан олдин мен рақиб дарвозасини  бир неча марта нишонга олдим. Ниҳоят тўпга аниқ зарба бердим ва кейин унинг дарвоза тўридан жой олганини кўрдим.

Ўйин оғир кечди. Биз жуда кўп имкониятларга эга бўлдик, аммо рақиб чуқур ҳимояланган эди. Жарима майдони ичида 10-11 кишига қарши ўйнаш жуда ҳам қийин.

Энг муҳими биз ўз ўрнимизни сақлаб қолдик. Биз рақибларимизнинг қайд этган натижаларидан фойдаландик ва бу билан уларга босим ўтказдик. Биз жиддий хавф остида эканимизни билгандик. Шу боис бизни ғалаба қозонишдан бошқа чорамиз йўқ эди”, - дейди даниялик футболчи.

Эслатиб ўтамиз, “Тоттенхэм” айни дамд а АПЛ мусобақа жадвалида 70 очко билан 3-ўринни эгаллаб турибди.