Кроос келажаги борасида қарор қабул қилди

Мадриднинг "Реал" клуби ярим ҳимоячиси Тони Кроос шартномасини яна бир мавсумга узайтирмоқчи. Журналист Томас Гонсалеснинг ёзишича, германиялик футболчи "қироллик клуби"да қолиб, футболчилик фаолиятини давом эттиришга қарор қилган.

Крооснинг "Реал" билан амалдаги шартномаси жорий мавсум охирида якунига этади. Аввалроқ, Тони фаолиятини "қаймоқранглилар" таркибида якунлашга қарор қилгани ҳақида хабарлар тарқалган эди. 

Эслатиб ўтамиз, жорий мавсумда 33 ёшли хавбек Испания чемпионатининг 19 учрашувида иштирок этиб, 2 та гол урди ва иккита самарали узатмани амалга оширди.