Кроос: Роналду ҳақида гапиришга шошилманг

"Реал" ярим ҳимоячиси Тони Кроос "Манчестер Юнайтед" ҳужумчиси Криштиану Роналду ҳақида фикр билдирди.

“Роналду дам олиш кунлари қандай футбол ўйнашини, уйига Феррарида қайтишини ва уни қандай ҳайдашини кўрасиз. Аммо сиз у уйида қандай машғулот ўтказиши ҳамда ўйинлар олдидан қандай тайёрганлик кўришини ҳеч қачон кўрмагансиз. Шу боис, у ҳақида фикр билдиришга шошилманг”, — дейди Кроос.

Эслатиб ўтамиз, ёзги трансфер ойнасида Криштиану Роналду "Манчестер Юнайтед"ни тарк этмоқчи эди, аммо футболчини ўз сафига қўшиб олмоқчи бўлган жамоа топилмади.

2022/2023 йилги мавсумда Криштиану Роналду "Манчестер Юнайтед"нинг барча олтита ўйинида қатнашди. Бироқ ҳужумчи ҳали самарали ҳаракатлари билан ажралиб тургани йўқ.