Куарежма АПЛ клубининг таклифини рад этди

Туркиянинг “Бешиктош” клуби ярим ҳимоячиси Рикарду Куарежма фаолиятини Англия премьер-лигасида давом эттириш имкониятига эга эди.

A Bola нашри тарқатган хабарга кўра 35 ёшли португалиялик футболчини "Вулверхэмптон" клуби ўз сафига қўшиб олишни хоҳлаган ва унга таклиф билан чиққан. Бироқ, Рикарду шартномаси охиригача турк клубида қолишга қарор қилган. Таъкидлаш керакки, унинг шартномаси яна бир йилдан сўнг ўз ниҳоясига етади.

Маълумот учун, Куарежма ўтган мавсум Туркия чемпионатида жами 26та ўйинда иштирок этди ва 3та гол ҳамда 11та голли узатмага муаллифлик қилишга эришди.