Кубарси Чемпионлар лигасида нохуш рекорд қайд этди

"Барселона" ҳимоячиси Пау Кубарси 21-асрда Чемпионлар Лигаси ўйинларида майдондан четлатилган энг ёш футболчига айланди.

Эслатиб ўтамиз, испан футболчиси 1/8 финал босқичининг "Бенфика"га қарши дастлабки учрашувида 22-дақиқада тўғридан-тўғри қизил карточка олди. Ушбу ҳолат юз берганида Кубарсига 18 ёш 42 кун бўлган.

Opta маълумотларига кўра, турнир тарихида энг ёш футболчи сифатида қизил карточка олган футболчи нигериялик Селестин Бабаяро ҳисобланади.

1994 йилда "Андерлехт" шарафини ҳимоя қилган Бабаяро 16 ёш 86 кунлигида майдондан четлатилган.

Шунга қарамай, "Барселона" меҳмонда 1:0 ҳисобида ғалаба қозонди. Жавоб учрашуви 11 март куни Испанияда бўлиб ўтади.