Кубо Нидерландияга қарши ўйинда олган жароҳати ҳақида гапирди

Япония терма жамоаси ярим ҳимоячиси Такефуса Кубо ўзининг жароҳати юзасидан изоҳ берди. У жаҳон чемпионати – 2026 гуруҳ босқичи биринчи турида Нидерландия терма жамоасига қарши ўйин давомида жароҳат олган эди.

«Ҳаммасини яхши. Ўзи нима бўлганини тушунмай қолдим. Ҳар томондан ҳужум остида қолгандек бўлдим. Ўйлайманки, ҳаммаси жойида бўлади», – дея Кубонинг сўзларини келтиради Mundo Deportivo.

Эслатиб ўтамиз, Япония ва Нидерландия терма жамоалари ўртасидаги учрашув 2:2 ҳисобида дуранг билан якунланди.

Гуруҳ босқичининг навбатдаги турида Осиё вакили бўлган Япония терма жамоаси Тунисга қарши майдонга тушади. Ушбу беллашув 21 июнь куни бўлиб ўтади.