Кукурельянинг ўзи ёқтирмаган "Реал"га ўтиш сабаби очилди

Журналист Бен Жейкобснинг хабар беришича, Марк Кукурельянинг жамоасини ўзгартириш қарорини қабул қилишида шахсий ва оилавий ҳолатлар асосий омиллардан бири бўлган.

Манба маълумотларига кўра, "Челси" раҳбарияти испаниялик футболчининг кетишига тўсқинлик қилмаган. Лондон клуби ёш ҳимоячи Йоррел Хато ривожидан қониққан ҳолда, уни келажакда жамоанинг муҳим фигураси сифатида кўраётгани учун Кукурелья билан хайрлашишга тайёр бўлган.

Кукурелья 2022 йилдан буён "Челси" шарафини ҳимоя қилиб келаётган эди.

Аслида Марк "Барселона" клуби тарбияланувчиси ҳисобланади. У фаолияти давомида "Эйбар", "Хетафе" ва Брайтон каби жамоаларда ҳам ўйнаган. 

Яқинда 27 ёшли футболчи агар келажакда "Реал" сафига ўтсам, сочимни қирдириб ташлайман, деган ваъдани берган эди.