Кулибалига "конкрет" харидор чиқди

ПСЖ клуби яқинлашиб келаётган ёзги трансферлар даврида "Наполи"нинг марказий ҳимоячиси Калиду Кулибалини сотиб олишни режалаштирмоқда.

Le Quotidien du Foot нашри тарқатган хабарга кўра, француз гранди 28 ёшли сенегаллик футболчи учун 75 млн евродан воз кечишга тайёр. Агар Кулибали Парижга кўчиб ўтса, у йилига 10 млн евро маош олиши мумкин.

Калиду жорий мавсум “Наполи” сафида жами 21 та ўйинда майдонга тушди. Унинг клуб билан амалдаги шартномаси 2023 йилга қадар имзоланган.