Куман ишончни оқлай олмади. “Барса” янги мураббий ким бўлишини айтди

Бир неча ой муқаддам “Барселона”ни қабул қилиб олган Рональд Куман ҳам Каталония клубида узоқ қолиб кетмайдиган кўринади. Жамоа Чемпионлар лигасининг нимчорак финалида ўз майдонида ПСЖга ютқазганидан кейин раҳбариятнинг нидерландиялик мутахассисга ишончи сўнди.

Айни пайтда “Барселона” раҳбарияти жамоа бошқарувига “Ас-Садд” жамоасини бошқараётган Хави Эрнандесни олиб келишга қарор қилган.

Хави “Барселона” афсонаси ҳисобланади. Клубда тарбияланган футболчи 1998-2015 йиллар давомида каталонияликлар шарафини муносиб ҳимоя қилиб, кўплаб ютуқларни қўлга киритган. Футболчилик фаолиятини “Ас-Садд” сафида якунлаши билан ушбу жамоа бош мураббийига айланган Хави қисқа фурсат ичида иккита совринга эга чиқди.