Куман Коутиньога нима деди?

Ниҳоят, “барселона” бош мураббийи Рональд Куман ўзига жамоа қидириб юрган Филиппе Коутиньо билан гаплашиб олишга имкон топди.

Маълумотларга қараганда, Куман бразилиялик плеймейкерга қўнғироқ қилиб, уни янги мавсумда жамоадаги роли билан таништирган. Нидерландиялик мураббий бу футболчига асосий таркибдан жой беришга тайёр эканини билдирган.

Коутиньо “Барселона”га 2018 йилда келган эди. Каталонияликларнинг ўйин услубига тушмагани боис, уни “Бавария”га ижарага бериб юборишган. Мюнхенликлар таркибида Коутиньо Германия чемпиони ва Европа Чемпионлар лигаси ғолиби бўлди.

Коутиньонинг “Барселона” билан амалдаги шартномаси 2023 йилнинг ёзигача давом этади.