Куман Мессидан хавотирда

“Барселона” бош мураббийи Рональд Куман жамоа етакчиси Лионель Месси нега ўйиндан гол ура олмаётгани ва аввалги йиллардан фарқли ўлароқ, яхши ўйнай олмаётганига муносабат билдирди.

- У ҳали ҳам кучли сифатларга эга ва бизнинг ҳужумкор тактикамизда муҳим ўйинчи ҳисобланади. Месси фақат пенальтидан гол ураётганини мен ҳам кўриб, билиб турибман. Ҳаммамиз Лео доим ҳал қилувчи ролни ўйнашига кўникиб қолганмиз, - деди Куман.

Аргентиналик ҳужумчи “Барселона” учун 740 та ўйин ўтказиб, рақиблар дарвозасини 638 маротаба ишғол қилган ва 282 марта голли пас оширган. У фаолиятини давом эттираётган футболчилар орасида гол уриш бўйича фақатгина Криштиану Роналдудан ортда қолмоқда.