Куман Суаресни захирага "михлайди"

Куманга керак бўлмай қолган Луис Суарес клубдан кетиш учун 25 миллион евро миқдорида компенсация талаб қилмоқда. Клуб бу пулни тўламоқчи эмас ва футболчини ўзаро келишган ҳолда амалдаги шартномани бекор қилишга чақирган эди.

Луис Суарес бошқа Матюиди ва Видаль тутган йўлдан бормади ва пул талаб қилишда давом этмоқда. “Барселона” раҳбарияти уругвайлик ҳужумчини арзимаган сумма эвазига “Ювентус”га беришга ҳам тайёрлигини билдирган.

Шу ўринда, Каталония клуби агар Луис Суарес клуб билан келишишни истамаса, Куман уни шартномаси тугагунига қадар ўйинга туширмай, захирага “михлаб” қўйишини маълум қилди. Агар вазият шундай тус олса, 2021 йилнинг ёзида Суаресга катта клублардан таклиф бўлмайди. Чунки ҳар қандай зўр футболчи ҳам ўйин амалиётисиз маҳоратини йўқотиб қўйиш эҳтимоли катта.