Кураш. Ўзбекистон чемпионати старт олди

Наманган шаҳридаги “Баркамол авлод” спорт мажмуасида Кураш бўйича У-13 кичик ўсмирлар ва қизлар ўртасида Ўзбекистон чемпионатининг тантанали очилиш маросими бўлиб ўтди.

Тадбирда сўзга чиққанлар сўнгги йилларда Президентимиз ташаббуси билан кураш спортини ривожлантириш борасида амалга оширилаётган кенг кўламли ислоҳотларга алоҳида тўхталиб ўтишди. Шундан сўнг мусобақага расмий старт берилди.

Мазкур чемпионатда республикамизнинг барча ҳудудларидан келган мингдан ортиқ ёш спортчилар ғолиблик учун баҳс олиб бормоқда.

Бу ҳақда Ўзбекистон Республикаси Спорт вазирлиги хабар берди.