Куртуа дербини ўтказиб юбориши мумкин — Лунинга имконият берилади

Тибо Куртуа "Реал"нинг яқиндаги ўйинини деярли аниқ ўтказиб юбориши кутилмоқда. "AS" нашри маълумотига кўра, яқинда олган жароҳати белгиялик дарвозабонга "Атлетико"га қарши Мадрид дербисида майдонга тушишга тўсқинлик қилади.

Эслатиб ўтамиз, Куртуа сешанба куни Чемпионлар лигасида "Манчестер Сити"га қарши баҳсда танаффусда алмаштирилган эди. Иккинчи бўлимни Андрей Лунин ўтказди ва энди у дербида асосий таркибда майдонга тушиши кутилмоқда.

Испания Ла Лигаси доирасидаги "Реал" — "Атлетико" учрашуви 22 март, якшанба куни бўлиб ўтади. Ўйин "Сантьяго Бернабеу"да бўлиб, Тошкент вақти билан 00:00'да старт олади.