Куртуа "Реал"даги тарихий рекордни янгилашига бир қадам қолди

“Реал” Мадрид кеча Ла Лиганинг 35-турида “Алавес” устидан 2:0 ҳисобида ғалаба қозонди.

Кетма-кет 5 та ўйиндан буён ўз дарвозаси дахлсизлигини сақлаб келаётган Тибо Куртуа кечаги ўйиндан сўнг мавсумдаги қуруқ сериясини 18 тага етказиб олди.

“Реал”да бир мавсумда энг кўп қуруқ ўйин ўтказган дарвозабон эса Франсиско Буйо ҳисобланади. У 1986/87 йилги мавсумда 19 та ўйинда гол ўтказмаган.

Энди бельгиялик посбон ушбу рекордга етиб олиши учун яна бир ўйинда ўз дарвозаси дахлсизлигини сақлай олса кифоя.