Кваратсхелия – икки чемпионат ғолиби

Италия А Серияси ва Франция Лига 1 мусобақаларида жорий мавсум чемпионлари номи аниқ бўлди. Италияда “Наполи” 38 тур якунига кўра 82 очко жамғариб, Скудетто соҳибига айланди. Францияда эса “ПСЖ” навбатдаги чемпионликни қўлга киритди.

Эътиборга молик жиҳати шундаки, мавсум давомида ушбу икки клуб сафида майдонга тушган грузиялик вингер Хвича Кваратсхелия иккала чемпионатда ҳам ғолиб чиққан футболчига айланди. У қишки трансфер ойнасида неаполикларни тарк этиб, Париж клуби сафига кўчиб ўтган эди. Шу сабабли Кваратсхелия жорий мавсумни иккита олтин медаль билан якунлашга муваффақ бўлди.

Маълумот учун, айни пайтда ҳужумчи Луис Энрике бошчилигидаги “ПСЖ” жамоаси билан Чемпионлар лигаси финалига тайёргарлик кўрмоқда. Ҳал қилувчи баҳс 31 май куни “Аллианз Арена” стадионида “Интер”га қарши ўтказилади.