Кварацхелия - РПЛнинг энг яхши ёш футболчиси. Номзодлар орасида Остон Ўрунов ҳам бор эди...

“Рубин” клуби ярим ҳимоячиси Хвич Кварацхелия Россия премьер-лигасининг 2019/20 йилги мавсумдаги энг яхши ёш футболчиси деб топилди.

19 ёшли грузиялик футболчи РПЛ клублари сардорлари ва мураббийлари, Россия терма жамоаси бош мураббийи Станислав Черчесов, "Матч Премьер" телеканали экспертлари ва ОАВ ходимлари ўртасида ўтказилган сўровномада энг кўп овоз олди. Айтиш керакки, ушбу мукофот учун “Уфа”даги ҳамюртимиз Остон Ўрунов ҳам даъвогарлик қилаётган эди.

Маълумот учун, Кварацхелия ортда қолган мавсум 27 та ўйинда майдонга тушди ва 3 та гол ҳамда 4 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)