Ла Лига. "Барселона" - "Леванте": Матнли трансляция

Ассалому алайкум, муҳтарам футбол ихлосмандлари. Испания Ла Лигаси 13-туридан ўрин олган "Барселона" - "Леванте" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+6'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+5'
  

  Меҳмонларнинг сўнгги зарбасини Тер-Штеген ушлаб олди.

• 90+4'
  

  Ҳакам ўйини давом эттиришга рухсат берди. "Леванте" тўпни бурчакдан ўйинга киритади.

• 90+4'

  Ҳакам ВАРдаги ёрдамчиларига вазиятни текширишни сўради. Тўп Умтитининг қўлига тегган бўлиши мумкин.

• 90+3'

  Луис Моралеснинг зарбасидан кейин тўп Умтитига тегиб, майдонни тарк этди.

• 90+2'

  Мессининг узатмаси Тринкауга етиб бормади.

• 90'
  

  Ўйиннинг асосий вақтига 3 дақиқа қўшиб берилди. 

• 89'
  

  Гризманн ўз ўрнини Умтитига бўшатиб берди.

• 88'
  

  Мартин Брейтуэйт огоҳлантирилди.

• 86'

  Ўйин сўнгида меҳмонлар уйғонди. Улар тез-тез рақиб жарима майдони атрофида кўриниш бермоқда.

• 83'
  

  Де Фрутос ҳамда Гонсало Мелеро ўрнига Франсиско Гомес ва Серхио Леон майдонга тушди.

• 81'
  

  Месси жуда фаол ўйин кўрсатмоқда. Унинг бу сафарги зарбасини дарвозабон қайтарди.

• 78'

  Ҳисобда ортда қолишни бошлаган меҳмонлар олдинга ўтишни бошлади. Анчадан бери уларни "Барса" учун ажратилган майдонда кўрмадик.

• 76'
  

  ГООООООООООЛЛЛЛЛЛЛ! "Барселона" ҳисобни очди!

  Де Йонгнинг узатмасидан кейин қулай позицияга чиққан Месси дарвозабонга имконият қолдирмади.

• 74'

  "Барса" катта иштиёқ билан олдинга ўтяпти.

• 72'

  Жарима майдони ичида Лангле йиқилиб тушди. Ҳакам ўйинни давом эттиришга рухсат берди.

• 70'
  

  Филипп Коутиньо ўз ўрнини Франсиску Тринкауга бўшатиб берди.

• 68'
  

  Хорхе Андухар ва Рожер Марти ўрнига Хорхе Мирамон ҳамда Хосе Луис Моралес ўйинга қўшилди.

• 65'

  "Леванте" футболчилари ҳимояда тўпни фақатгина олдинга тепиб юбориш билан чекланмоқда.

• 63'
  

  Гризманнинг узатмасини Месси дарвозага йўллади. Аитор Фернандес ўз ўрнида.

• 62'

  Куман шогирдлари штурм уюштиришда давом этмоқда. 

• 60'

  Жарима майдонига оширилган тўпни "Леванте" кипери ушлаб олди.

• 58'
  

  Серхио Бускетс ўз ўрнини Педрига бўшатиб берди.

• 57'
  

  Альбанинг заргарона узатмасини қабул қилиб олган Гризманн воқеалар ривожидан бироз илгарилаб кетган эди. Ҳакам ўйинни тўхтатди.

• 54'

  Гризманндан тўпни қабул қилиб олган Месси жарима майдони ташқарисидан ўз омадини синаб кўрди. Бу сафарги зарбага ҳам аниқлик етишмади.

• 52'

  Коутиньонинг уриниши ҳам бесамар кетди.

• 51'

  Месси бу сафар ўткир бурчакдан кучли зарба берди. Тўп йўналишини ҳимоячи ўзгартирди.

• 48'

  Таймни каталонияликлар фаол бошлади. Гризманнинг узатмасини Месси дарвозага йўллай олмади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи бўлимга вақт қўшиб берилмади. Танаффус!

• 44'

  Тайм сўнгини майдон эгалари фаол ўтказмоқда.

• 42'
  

  Мессини жарима майдони яқинида қўполлик билан тўхтатган Вукчевич огоҳлантирилди.

• 40'
  

  Гризманнинг кучли зарбасини дарвозабон бартараф этди.

• 39'

  Мартин Брейтуэйтга қарши ишлатилган қўполлик "Барса"га яна бир жарима зарбаси туҳфа этди. Бироқ Мессининг узатмасини шериклари дарвозага йўллай олмади.

• 37'

  Мессининг стандарт вазиятдан берган зарбаси жонли девордан ўтмади.

• 35'

  Жарима майдони ичида "Леванте" ҳимоячиси Мессига зарба бериш имкониятини қолдирмади.

• 33'

  Тўп назорати яна "кўк-анорранглилар" қўлига ўтди. Бироқ ҳужумга якуний нуқта қўйишда мезбонлар оқсаяпти.

• 30'

  Месси ўзи учун идеалдек кўринган нуқтадан ноаниқ зарба берди. Лео тўпга мослаша олмади.

• 28'
  

  Дани Гомеснинг узоқ масофадан ўз омадини синаб кўрди. Тер-Штеген ўз ўрнида.

• 26'

  Месси бош билан ноаниқ зарба берди. 

• 24'
  

  Бурчак тўпини қисқа пас орқали ўйинга киритган Коутиньо тўпни айлантириб дарвозага йўллади. Тўп у кутганчалик айланмади.

• 22'
  

  Мессининг ажойиб узатмасини Гризманн боши билан дарвозага йўллади. Дарвозабондан қайтган тўпни бўш қолган дарвозага Лангле кирита олмади.

• 21'

  Месси билан комбинация уюштирган Де Йонг қоида бузиш эвазига тўхтатилди. Каталонияликларда стандарт вазият.

• 19'

  Дани Гомеснинг ўткир бурчакдан йўллаган зарбасига аниқлик етишмади.

• 18'

  Месси жарима майдонига ёриб кирган Альбани тўп билан таъминламоқчи бўлди. Бироқ ҳимоячилар хавфни бартараф этди.

• 17'

  Меҳмонлар майдон марказида тўпни назорат қиляпти.

• 15'
  

  Бу сафар Брейтуэйтнинг хавфли зарбасини Аитор Фернандес қайтаришга эришди. Ўйин темпи анча кўтарилди.

• 12'
  

  "Леванте" жуда қулай имкониятдан фойдалана олмади: Гомеснинг яқин масофадан берган зарбасини Тер-Штеген қайтарди.

• 10'

  Коутиньониинг жарима майдони марказига узатган тўпини ҳимоячилар қайтарди.

• 8'

  Ҳар икки жамоа вакиллари ҳам прессинг уюштиряпти. Футболчилар яхши тезлик намойиш этмоқда.

• 6'

  Мальса жарима майдони ичига яхши узатма амалга оширди. Бироқ вазият зарбагача етиб бормади.

• 4'

  Мезбонлар тўпни назорат қилмоқда.

• 2'

  Илк дақиқалардан олдинга ўтган "Барса" дастлабки зарбани йўллади. Коутиньонинг уринишига аниқлик етишмади.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!