Ла Лига клублари ўн йилда трансферларга қанча сарфлади?

Трансферларга ихтисослашган Transfermarkt портали сўнгги 10 мавсум давомида янги футболчиларни сотиб олиш учун энг кўп маблағ сарфлаган Испания Ла Лигасининг “топ-10” клублари рўйхатини эълон қилди.

Рейтингда амалдаги чемпион “Барселона” биринчи ўринни эгаллади. Узоқ йиллар давом этган молиявий инқирозга қарамай, каталонияликлар 10 йил давомида футболчилар хариди учун 1,4 миллиард евро сарфлаган.

“Реал” кўриб чиқилган даврда 1,28 миллиард евро сарфлабган бўлса-да,  ўз ҳамшаҳарлари – “Атлетико”дан ортқада қолди.

Сўнгги 10 мавсумда трансферларга энг кўп маблағ сарфлаган Ла Лига клублари “топ-10” рўйхати:

1. «Барселона» — 1,4 млрд евро.
2. «Атлетико» Мадрид — 1,3 млрд евро.
3. «Реал» Мадрид — 1,28 млрд евро.
4. «Севилья» — 555 млн евро.
5. «Вильярреал» — 472 млн евро.
6. «Бетис» — 365 млн евро.
7. «Валенсия» — 332 млн евро.
8. «Реал Сосьедад» — 226 млн евро.
9. «Альмерия» — 184 млн евро.
10. «Сельта» — 178 млн евро.