Ла Лига. Марказий ўйинда Мадрид клуби аламли тарзда мағлуб бўлди
Ла Лига 18-туридан ўрин олган "Севилья" - "Атлетико" учрашуви ниҳоясига етди. Ушбу қарама-қаршиликда мезбонлар 2:1 ҳисобида ғалаба қозонди.
Дастлаб, Ракитич 7-дақиқада ҳисобни очган бўлса, 33-дақиқада Фелипе мувозанатни тиклади. Ўйин сўнггига яқин Окампос жамаоси фойдасига ғалаба голини киритишга муваффақ бўлди.
Ушбу натижадан сўнг Лопотеги шогирдлари ҳисобидаги очколар сони 37 тага етди ва улар иккинчи поғонага маҳкам ўрнашиб олди. 29 очкоси бор "матрасчилар" айни вақтда 5-ўринни банд этган.
Фикрлар