Ла Лига. "Реал" - "Сельта": Матнли трансляция

Ассалому алайкум, муҳтарам футбол ихлосмандлари. Испания Ла Лигаси 17-туридан ўрин олган "Реал" - "Сельта" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  "Сельта" ҳисобни қисқартириши мумкин эди. Бироқ яқин масофадан берилган кучли зарбани Начо қайтариб қолди.

• 90+1'
  

  Бензема ўрнига Мариано Диас майдонга тушди.

• 90'
  

  Ўйиннинг асосий вақтига 3 дақиқа қўшиб берилди.

• 89'

  Бенземанинг жарима майдони чизиғи устидан берган зарбаси ноаниқ кетди.

• 87'
  

  Майдон марказида рақибга нисбатан қоида бузган Каземирога сариқ карточка кўрсатилди.

• 85'
  

  Майдондан чиқишни пайсалга солган Карвахаль огоҳлантирилди.

• 84'
  

  Вальведре, Винисиус ва Эдегор майдонга тушди. Улар ўрнига Кроос, Модрич ҳамда Карвахаль захирага олинди.

• 82'

  Орқа чизиқда ишончли ҳаракат қилаётган "қаймоқранглилар" рақибни ўз жарима майдонига киришига йўл қўймаяпти.

• 80'

  Виголиклар фаолликни оширмоқда. Уларга гол зарур.

• 78'

  Захирадан ўйинга қўшилган Азар ўйинга фаоллик қўша олди.

• 76'

  Бензема на рақибни алдай олди, на шерикларига тўпни узата олди.

• 74'
  

  Марко Асенсио ўз ўрнини Эден Азарга бўшатиб берди.

• 72'

  "Қироллик клуби"нинг бу сафарги ҳужуми Васкеснинг ноаниқ ҳаракати туфайли барбод бўлди.

• 70'

  "Реал" жарима майдонига оширилган тўпни Куртуа ушлаб олди.

• 68'

  "Сельта"нинг ҳужумлари борган сари Куртуа дарвозасига яқинлашиб бормоқда.

• 66'
  

  Мигель Баеса Нолито ўрнига майдонга тушди.

• 64'

  Карим Бенземанинг зарбаси бироз ноаниқ кетди.

• 61'

  Ноаниқ узатма туфайли виголикларнинг навбатдаги ҳужуми барбод бўлди.

• 58'

  Лука Модрич марказда тактик қўполлик ишлатиб, рақиб ҳужумини тўхтатди.

• 55'

  Гол урган мадридликлар назоратни қайтариб олди. Энди кетма-кет ҳужумлар меҳмонлар дарвозаси олдида юзага келмоқда.

• 53'
  

  ГООООООООООЛЛЛЛЛЛЛ! "Реал" ҳисобни ишончли кўринишга келтирди!

  Васкесдан тўпни қабул қилиб олган Асенсио бирга-бир вазиятга чиқиб борди ва дарвозабонни ожиз қолдирди.

• 51'
  

  Аспас майдонни тарк этди. Унинг ўрнига Бельтран ўйинни давом эттиради.

• 50'
  

  Начо уни тезликда ортда қолдирган Аспасни қўполлик билан тўхтатди. Ҳакам уни огоҳлантирди.

• 47'

  Асенсионинг узатмасидан кейин Васкес тўпни ўзига бўйсундира олмади. Натижада, "Реал" ҳужуми барбод бўлди.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи таймга вақт қўшиб берилмади. Танаффус!

• 43'

  Карвахалнинг зарбаси бироз ноаниқ кетди.

• 42'
  

  Модрични йиқитган Тапиа сариқ карточкага лойиқ кўрилди.

• 40'

  Ўйин темпи пасайди. Дарвоза томон йўлланган аниқ зарбаларни кўрмаяпмиз.

• 38'
  

  Аспасга нисбатан қоида бузган Асенсио огоҳлантирилди.

• 37'

  Бенземанинг ўткир бурчакдан йўллаган зарбаси ноаниқ кетди.

• 34'

  Жарима майдони ичидаги шерикларига тўп узатган Асенсио мўлжалда адашди.

• 32'

  Денис Суареснинг узатмасига шериклари ета олмади. яна бир ҳужум бесамар якунланди.

• 30'

  Марказга етказилган тўпни Варан катта қийинчилик билан майдон ташқарисига чиқариб юборди.

• 28'
  

  Бурчак тўпидан кейин "Реал" жарима майдонида хавфли вазият юзага келди. Бироқ меҳмонларнинг зарбасидан кейин тўп Мендининг қўлига теккан бўлса-да, ҳакам қўлни табиий ҳолатда деб топди ва ўйинни давом эттиришга рухсат берди.

• 25'

  Меҳмонлар марказда тўпни бир-бирларига узатиб, рақибни кўпроқ югуришга мажбур қиляпти.

• 23'

  Каземиронинг оширган тўпини олдинга чиққан дарвозабон ушлаб олди.

• 21'

  Зидан шогирдлари комбинациялар билан рақиб прессингидан чиқиб кетишга ҳаракат қиляпти.

• 19'

  Кичик устунлик "Сельта" томонида. Мадридликлар қарши ҳужумларга таянмоқда.

• 17'

  Модричнинг зарбаси йўлига ҳимоячилар блок қўйишни уддалади.

• 16'

  Минанинг Аспас томон узатган тўпига шериги ета олмади.

• 14'

  Ўйин майдон марказига кўчди. Тўп жарима майдонигача етиб бормаяпти.

• 12'

  Жамоадошининг узатмасини Васкес ўзига бўйсундира олмади.

• 10'
  

  Қарши ҳужуга ўтаётган Асенсио Мендес томонидан қоида бузиш эвазига тўхтатилди. Ҳакам унга сариқ карточка кўрсатди.

• 8'

  Виголиклар назоратини қўлга олишга уринмоқда.

• 6'
  

  ГООООООООООЛЛЛЛЛЛЛ! "Реал" рақибини жазолади!

  Тезкор қарши ҳужумга ўтган Асенсио жарима майдони ичида шеригини тўп билан таъминлади. Васкеснинг бош билан йўллаган зарбасини дарвозабон қайтара олмади.

• 5'

  "Сельта" ҳисобни очишига бир баҳя қолди. Бироқ Начо бўш қолган дарвозага кириб кетаётган тўпни қайтариб қолди.

• 3'

  Майдон эгалари дастлабки дақиқалардан тўп назоратини қўлга олишга ҳаракат қилмоқда.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар 2021 йил ҳисобидан илк бор майдонга тушиб келди. Ўйин бир неча сониялар ичида старт олади.