Ла Лигада 200 тадан кўп гол урганлар рўйхати

Испания чемпионатининг 11-турида Мадриднинг “Атлетико” клуби ўз майдонида “Севилья” футболчиларини қабул қилиб, рақиб устидан 3:0 ҳисобида ғалаба қозонди.

Пойтахтликларга навбатдаги уч очкони келтирган голларга Хулиан Альварес, Тьяго Альмада ва Антуан Гризманн муаллифлик қилди.

Бу гал Антуан Гризман учун тарихий аҳамият касб этди. Франциялик футболчи Ла Лигада урган голлари сонини 200 тага етказиб олди.

Гризманн — бу кўрсаткичга эришган 11-футболчи бўлди. Ҳужумчининг навбатдаги мақсади “топ-10”даги тўпурарлар рўйхатига кириш.  Бундай натижага эришиш учун у яна 12 гол уриши лозим. Ҳозир тўпурарлар рейтингининг ўйинчи поғонасида ўз даврида “Сельта”, “Реал” ва “Депортиво”да тўп тепган собиқ ҳужумчи Паиньо (212 гол) жойлашган.

Ла Лигада энг кўп тўп киритган футболчилар ўнлиги қуйидагича кўриниш олди:

1. Месси — 474

2. Роналду — 311

3. Сарра — 251

4. Бензема — 248

5. Уго Санчес — 234

6. Рауль — 228

7. Ди Стефано — 227

8. Сесар — 221

9. Кини — 219

10. Паиньо — 212