Ла Лигадан чиқиб кетган клуб номи маълум бўлди

Европанинг “топ-5” лигалари қаторига кирувчи Испания чемпионатининг юқори дивизионини тарк этадиган биринчи жамоа “Вальядолид” бўлди.

Ла Лиганинг 33-турида “Вальядолид” футболчилари Севилья шаҳрида “Бетис” жамоаси меҳмони бўлиб йирик – 1:5 ҳисобида мағлубиятга учради.

Бу натижадан кейин вальдолидликлар лигада қолиш имкониятидан айрилди.

Айни пайтда 33 та учрашувда атиги 16 очко жамғариб, 20-ўринда турган “Вальядолид” чемпионат якунланишига беш тур қолганида лигада қолиш имконини берувчи 17-ўриндан 18 очкога орқада қолиб кетди.

Ачинарли томони шундаки, бу жамоа футболчилари чемпионатнинг охирги 14 та беллашувида атиги бир очко жамғарган холос.