Ла Лиганинг энг қиммат футболчилари аниқланди

Нуфузли "Transfermarkt" портали ўйинчиларнинг нархини янгилаш ва янги рейтингларни белгилашда давом этмоқда. Мазкур статистик портал Испания Ла Лигаси ва унинг энг қиммат футболчиларини аниқлади.

Унга кўра, биринчи ўринни "Реал" вингери Винисиус Жуниор эгаллади. Бразилиялик футболчи 120 миллион еврога баҳоланди. Иккинчи ўринда "Барселона"нинг 20 ёшли ярим ҳимоячиси Педри бўлиб, у роппа-роса 100 миллион еврога лойиқ кўрилди.

Учинчи ўрин Федерико Вальвердега насиб этди. Уругвайлик футболчига ҳам 100 миллион евро нарх белгиланди.

Тўртинчи ўриндан "кўк-анорранглилар"нинг яна бир ёш истеъдоди – Гави жой олди. 18 ёшли футболчининг нархи 90 миллионга баҳоланди.

Фикрлар

Фикр қолдириш учун авторизациядан ўтинг!