Ла Лиганинг энг зўр ёш ўйинчиси номи эълон қилинди

“Барселона”нинг Испания чемпионатида ғолиб чиқишига катта ҳисса қўшган17 ёшли  Ламин Ямал нуфузли индивидуал соврин билан тақдирланди.

Ла Лига расмий сайтининг маълум қилишича, Ламин Ямал мавсум якунига кўра, 23 ёшгача бўлган футболчилар орасида Испания чемпионатининг энг яхши ёш ўйинчиси, деб топилди ва махсус соврин эгасига айланди.

Ламин Ямал соврин ғолибини аниқлаш учун ўтказилган сўровномада Педри, Жуд Беллингем, Арда Гюлер, Диего Лопес, Фабиу Силва ва Альберто Молейро каби ўйинчиларни ортда қолдирди.

Ямал Ла Лигада самарали ўйин кўрсатди. Чемпионатда 35 та учрашувда қатнашган 17 ёшли футболчи тўққизта гол ва 15 та ассист муаллифи бўлди. Ямал ассистлар бўйича Ла Лига футболчилари орасида энг яхши кўрсаткични қайд этганини ҳам таъкидлаш лозим.