La Liganing mart oyidagi eng yaxshi futbolchisi e’lon qilindi

Madridning “Atletiko” klubi hujumchisi Antuan Grizmann La Liganing mart oyidagi eng yaxshi futbolchisi deb topildi.

Aytish kerakki, frantsiyalik futbolchi bahorning birinchi oyida “matraschilar” safida Ispaniya chempionatining 3 ta uchrashuvida 2 ta gol urib, 1 ta golli uzatmani amalga oshirdi. Ushbu o‘yinlarda "Atletiko" uchta g‘alabaga erishdi va umumiy 10:1 hisobida g‘alaba qozondi.

Diego Simeone boshqaruvidagi jamoa turnir jadvalida peshqadam “Barselona”dan 17 ochko ortda qolib, 3-o‘rinda bormoqda. Antuan Grizmann joriy mavsum Ispaniya La Ligasida 26 uchrashuvda maydonga tushdi va 9 ta gol urib, 9 ta golli uzatmaga mualliflik qilgan.