"Ла Масия" юлдузларни етиштириб беришда давом этади. Навбат 17 ёшли ҳужумчига

Ла Лиганинг 10-туридан ўрин олган "Барса" - "Атлетик" баҳсининг 79-дақиқасида Марк Гиу майдонга туширилди. У 17 ёшга кирган бўлиб, "Ла Масия" тарбияланувчиси ҳисобланади. 

Футболчи майдонга тушиши биланоқ гол уришга ҳам муваффақ бўлди. 83-дақиқада Фелишнинг узатмасидан кейин тўпга биринчи тегинишидаёқ ҳужумчи дарвозани ишғол қилди. 

Ушбу баҳсда "Барселона" ғалаба қозониб, 3 очкони қўлга киритди ва турнир жадвалида 3-поғонани эгаллади.