Ламин Ямал 50 та голга Лионель Месси ва Криштиану Роналдудан эртароқ етиб борди

"Барселона" вингери Ламин Ямал расмий мусобақаларда 50 та голга етди. Улардан 44 таси клуб сафида, 6 таси эса Испания миллий терма жамоаси таркибида урилган.

Футболчи бу натижага 18 ёш 237 кунида эришди. У Ла Лига доирасида "Атлетик Бильбао"га қарши ўйинда (1:0) гол урди.

Қизиғи шундаки, Лионель Месси 50 та голлик маррага 20 ёш 315 кунида, Криштиану Роналду эса 21 ёш 297 кунлигида эришган.