Ламин Ямал фаолиятида илк бор хет-трик қайд этди

"Барселона" вингери Ламин Ямал ўз фаолиятида илк марта хет-трик муаллифига айланди.

18 ёшли футболчи Ла Лиганинг 26-туридан ўрин олган "Вильярреал"га қарши учрашувда учта гол урди. Ямал 28-дақиқада ҳисобни очди. 37-дақиқада эса дубль расмийлаштирди – ҳар икки голга Фермин Лопес ассистентлик қилди. 69-дақиқада эса Педрининг узатмасидан сўнг Ямал хет-трик қилиб қўйди..

Маълумотларга кўра, Ла Лига тарихида фақат икки футболчи бундан ҳам ёшроқ пайтида бир ўйинда учта гол урган. 1934 йилда "Расинг" сафида ўйнаган Помбо 17 ёш 222 кунлигида, 1930 йилда "Атлетик" аъзоси Ирарагорри эса 17 ёш 337 кунлигида хет-трикка эришган.

Шу тариқа, Ламин Ямал 18 ёш 230 кунлигида "Барселона" тарихида Ла Лига ўйинида хет-трик қайд этган энг ёш футболчига айланди. Аввал бу натижа Лионель Мессига тегишли эди – у 19 ёш 259 кунлигида бунга эришган. Жованни эса 19 ёш 6 кунлигида учта гол урган эди.