Ламин Ямал Лондонга етиб келди
Ламин Ямал «Олтин тўп» тақдимот маросимида асосий номзод сифатида иштирок этиш учун Лондонга келди.
«Барселона» жамоасининг ёш вингери Ламин Ямал Лондонга етиб келди. Футболчи минган хусусий самолёт Буюк Британия ҳудудига қўнди.
Маълумотларга кўра, Ямал Лондонга «Олтин тўп» тақдимот маросимида иштирок этиш учун учиб келган. У бу нуфузли соврин учун курашаётган асосий номзодлардан бири сифатида кўрилмоқда.
Эътиборлиси, Ламин Ямал Англияга «Барселона» делегациясидан алоҳида келган. У ўзининг 16 нафар меҳмони — дўстлари ва яқинларини ҳам олиб келган.
Футболчи ғалаба қозонган тақдирда улар билан биргаликда алоҳида байрам тадбири уюштиришни режалаштирган.
Изоҳлар (0)