Ламининг оиласи «Олтин тўп» мукофоти натижаларини танқид қилди
Ламин Ямалнинг амакиси «Олтин тўп» Гарри Кейнга берилиб, жияни фақат учинчи бўлганидан қаттиқ норозилик билдирди.
«Барселона»нинг ёрқин юлдузи, испаниялик ёш ҳужумчи Ламин Ямалнинг амакиси бу йилги нуфузли «Олтин тўп» мукофоти натижаларидан норозилик билдирди.
Ламин Ямалнинг амакиси Абдул берган интервьюсида, жияни муносиб совринсиз қолгани уни жуда ранжитганини айтди. Унинг таъкидлашича, Ямал бир мавсумдаёқ Ла Лига, Испания Суперкубоги ва жаҳон чемпионлигига эришди, аммо бу ҳам «Олтин тўп» учун етарли бўлмади.
«Нима эканини аниқ билмайман, лекин бу ерда нимадир тўғри эмас. Мавсум давомида деярли ҳеч нарса ютмаган ўйинчилар ҳам соврин учун даъвогар бўлди. Исмларни айтмайман. Ламин ҳали ҳам дунёнинг энг яхши футболчиси. Ҳозир унинг даражасига етоладиган бирор ўйинчи йўқ», — дея қўшимча қилди Абдул.
Эслатиб ўтамиз, бу йилги «Олтин тўп» соврини Харри Кейнга насиб этди. Овоз бериш натижаларига кўра, ундан кейинги ўринларни Килиан Мбаппе ва Ламин Ямал эгаллади.
Изоҳлар (0)